快乐巴利palinanda.cc

中部第121经 · 小空经 Cūḷasuññatasuttaṃ

本经目录一、小空经

176PTS 3.105缅 3.147已对照

一、小空经

一七六、如是我闻——一时，世尊住在舍卫城（Sāvatthī）东园（Pubbārāma）鹿子母讲堂（Migāramātupāsāda）。于是，具寿阿难（Ānanda）于傍晚时分从静坐起身，来到世尊之处；到了之后，礼敬世尊，坐在一旁。坐在一旁的具寿阿难对世尊这样说——“尊者，有一次，世尊住在释迦[国]（Sakka），[有]一座名叫那伽罗迦（Nagaraka）的释迦人市镇。尊者，在那里，这是我当面从世尊听闻、当面领受的：‘阿难，我现在多以空性住（suññatāvihāra）而住。’尊者，这[话]我是否已善听闻、善把持、善作意、善忆持了呢？”“阿难，你确实对这[话]善听闻、善把持、善作意、善忆持了。阿难，我从前与现在都多以空性住而住。阿难，犹如这鹿子母讲堂于象、牛、马、牝马是空的，于金银是空的，于男女的集会是空的，而有的是这不空性，即：缘比丘僧团而有的单一性（ekatta）；阿难，正是这样，比丘不作意村想（gāmasaññā），不作意人想（manussasaññā），缘林野想（araññasaññā）而作意单一性。他的心趣入林野想，净信，安住，胜解。他这样了知：‘凡缘村想而有的焦虑（daratha），于此都没有了；凡缘人想而有的焦虑，于此都没有了；而有的唯有这焦虑之量（darathamattā），即：缘林野想而有的单一性。’他了知：‘这想之域（saññāgata）于村想是空的’；他了知：‘这想之域于人想是空的’；[他了知：]‘而有的是这不空性，即：缘林野想而有的单一性。’如是，凡于其中所没有的，他便以此随观那为空；而凡于其中所剩余的，他了知那：‘这是现存的，是有的。’阿难，这样，他也就有了这如实的、不颠倒的、遍净的进入空性（suññatāvakkanti）。

176. Evaṃ me sutaṃ – ekaṃ samayaṃ bhagavā sāvatthiyaṃ viharati pubbārāme migāramātupāsāde. Atha kho āyasmā ānando sāyanhasamayaṃ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘ekamidaṃ, bhante, samayaṃ bhagavā sakkesu viharati nagarakaṃ nāma sakyānaṃ nigamo. Tattha me, bhante, bhagavato sammukhā sutaṃ, sammukhā paṭiggahitaṃ – ‘suññatāvihārenāhaṃ, ānanda, etarahi bahulaṃ viharāmī’ti. Kacci metaṃ, bhante, sussutaṃ suggahitaṃ sumanasikataṃ sūpadhārita’’nti? ‘‘Taggha te etaṃ, ānanda, sussutaṃ suggahitaṃ sumanasikataṃ sūpadhāritaṃ. Pubbepāhaṃ [pubbecāhaṃ (sī. syā. kaṃ. pī.)], ānanda, etarahipi [etarahi ca (sabbattha)] suññatāvihārena bahulaṃ viharāmi. Seyyathāpi, ānanda, ayaṃ migāramātupāsādo suñño hatthigavassavaḷavena, suñño jātarūparajatena, suñño itthipurisasannipātena atthi cevidaṃ asuññataṃ yadidaṃ – bhikkhusaṅghaṃ paṭicca ekattaṃ; evameva kho, ānanda, bhikkhu amanasikaritvā gāmasaññaṃ, amanasikaritvā manussasaññaṃ, araññasaññaṃ paṭicca manasi karoti ekattaṃ. Tassa araññasaññāya cittaṃ pakkhandati pasīdati santiṭṭhati adhimuccati. So evaṃ pajānāti – ‘ye assu darathā gāmasaññaṃ paṭicca tedha na santi, ye assu darathā manussasaññaṃ paṭicca tedha na santi, atthi cevāyaṃ darathamattā yadidaṃ – araññasaññaṃ paṭicca ekatta’nti. So ‘suññamidaṃ saññāgataṃ gāmasaññāyā’ti pajānāti, ‘suññamidaṃ saññāgataṃ manussasaññāyā’ti pajānāti, ‘atthi cevidaṃ asuññataṃ yadidaṃ – araññasaññaṃ paṭicca ekatta’nti. Iti yañhi kho tattha na hoti tena taṃ suññaṃ samanupassati, yaṃ pana tattha avasiṭṭhaṃ hoti taṃ ‘santamidaṃ atthī’’’ti pajānāti. Evampissa esā, ānanda, yathābhuccā avipallatthā parisuddhā suññatāvakkanti bhavati.
177缅 3.148已对照

一七七、“再者，阿难，比丘不作意人想，不作意林野想，缘地想（pathavīsaññā）而作意单一性。他的心趣入地想，净信，安住，胜解。阿难，犹如公牛的皮以一百根橛子撑开，撑得平整，没有皱褶；阿难，正是这样，比丘对这大地上凡是高低不平之地、河流险处、树桩荆棘之处、险峻的山，不作意那一切，而缘地想作意单一性。他的心趣入地想，净信，安住，胜解。他这样了知：‘凡缘人想而有的焦虑，于此都没有了；凡缘林野想而有的焦虑，于此都没有了；而有的唯有这焦虑之量，即：缘地想而有的单一性。’他了知：‘这想之域于人想是空的’；他了知：‘这想之域于林野想是空的’；[他了知：]‘而有的是这不空性，即：缘地想而有的单一性。’如是，凡于其中所没有的，他便以此随观那为空；而凡于其中所剩余的，他了知那：‘这是现存的，是有的。’阿难，这样，他也就有了这如实的、不颠倒的、遍净的进入空性。

177. ‘‘Puna caparaṃ, ānanda, bhikkhu amanasikaritvā manussasaññaṃ, amanasikaritvā araññasaññaṃ, pathavīsaññaṃ paṭicca manasi karoti ekattaṃ. Tassa pathavīsaññāya cittaṃ pakkhandati pasīdati santiṭṭhati adhimuccati. Seyyathāpi, ānanda, āsabhacammaṃ saṅkusatena suvihataṃ vigatavalikaṃ; evameva kho, ānanda, bhikkhu yaṃ imissā pathaviyā ukkūlavikkūlaṃ nadīviduggaṃ khāṇukaṇṭakaṭṭhānaṃ pabbatavisamaṃ taṃ sabbaṃ [sabbaṃ (ka.)] amanasikaritvā pathavīsaññaṃ paṭicca manasi karoti ekattaṃ. Tassa pathavīsaññāya cittaṃ pakkhandati pasīdati santiṭṭhati adhimuccati. So evaṃ pajānāti – ‘ye assu darathā manussasaññaṃ paṭicca tedha na santi, ye assu darathā araññasaññaṃ paṭicca tedha na santi, atthi cevāyaṃ darathamattā yadidaṃ – pathavīsaññaṃ paṭicca ekatta’nti. So ‘suññamidaṃ saññāgataṃ manussasaññāyā’ti pajānāti, ‘suññamidaṃ saññāgataṃ araññasaññāyā’ti pajānāti, ‘atthi cevidaṃ asuññataṃ yadidaṃ – pathavīsaññaṃ paṭicca ekatta’nti. Iti yañhi kho tattha na hoti tena taṃ suññaṃ samanupassati, yaṃ pana tattha avasiṭṭhaṃ hoti taṃ ‘santamidaṃ atthī’ti pajānāti. Evampissa esā, ānanda, yathābhuccā avipallatthā parisuddhā suññatāvakkanti bhavati.
178PTS 3.106已对照

一七八、“再者，阿难，比丘不作意林野想，不作意地想，缘空无边处想而作意单一性。他的心趣入空无边处想，净信，安住，胜解。他这样了知：‘凡缘林野想而有的焦虑，于此都没有了；凡缘地想而有的焦虑，于此都没有了；而有的唯有这焦虑之量，即：缘空无边处想而有的单一性。’他了知：‘这想之域于林野想是空的’；他了知：‘这想之域于地想是空的’；[他了知：]‘而有的是这不空性，即：缘空无边处想而有的单一性。’如是，凡于其中所没有的，他便以此随观那为空；而凡于其中所剩余的，他了知那：‘这是现存的，是有的。’阿难，这样，他也就有了这如实的、不颠倒的、遍净的进入空性。

178. ‘‘Puna caparaṃ, ānanda, bhikkhu amanasikaritvā araññasaññaṃ, amanasikaritvā pathavīsaññaṃ, ākāsānañcāyatanasaññaṃ paṭicca manasi karoti ekattaṃ. Tassa ākāsānañcāyatanasaññāya cittaṃ pakkhandati pasīdati santiṭṭhati adhimuccati. So evaṃ pajānāti – ‘ye assu darathā araññasaññaṃ paṭicca tedha na santi, ye assu darathā pathavīsaññaṃ paṭicca tedha na santi, atthi cevāyaṃ darathamattā yadidaṃ – ākāsānañcāyatanasaññaṃ paṭicca ekatta’nti. So ‘suññamidaṃ saññāgataṃ araññasaññāyā’ti pajānāti, ‘suññamidaṃ saññāgataṃ pathavīsaññāyā’ti pajānāti, ‘atthi cevidaṃ asuññataṃ yadidaṃ – ākāsānañcāyatanasaññaṃ paṭicca ekatta’nti. Iti yañhi kho tattha na hoti tena taṃ suññaṃ samanupassati, yaṃ pana tattha avasiṭṭhaṃ hoti taṃ ‘santamidaṃ atthī’ti pajānāti. Evampissa esā, ānanda, yathābhuccā avipallatthā parisuddhā suññatāvakkanti bhavati.
179缅 3.149已对照

一七九、“再者，阿难，比丘不作意地想，不作意空无边处想，缘识无边处想而作意单一性。他的心趣入识无边处想，净信，安住，胜解。他这样了知：‘凡缘地想而有的焦虑，于此都没有了；凡缘空无边处想而有的焦虑，于此都没有了；而有的唯有这焦虑之量，即：缘识无边处想而有的单一性。’他了知：‘这想之域于地想是空的’；他了知：‘这想之域于空无边处想是空的’；[他了知：]‘而有的是这不空性，即：缘识无边处想而有的单一性。’如是，凡于其中所没有的，他便以此随观那为空；而凡于其中所剩余的，他了知那：‘这是现存的，是有的。’阿难，这样，他也就有了这如实的、不颠倒的、遍净的进入空性。

179. ‘‘Puna caparaṃ, ānanda, bhikkhu amanasikaritvā pathavīsaññaṃ, amanasikaritvā ākāsānañcāyatanasaññaṃ, viññāṇañcāyatanasaññaṃ paṭicca manasi karoti ekattaṃ. Tassa viññāṇañcāyatanasaññāya cittaṃ pakkhandati pasīdati santiṭṭhati adhimuccati. So evaṃ pajānāti – ‘ye assu darathā pathavīsaññaṃ paṭicca tedha na santi, ye assu darathā ākāsānañcāyatanasaññaṃ paṭicca tedha na santi, atthi cevāyaṃ darathamattā yadidaṃ – viññāṇañcāyatanasaññaṃ paṭicca ekatta’nti. So ‘suññamidaṃ saññāgataṃ pathavīsaññāyā’ti pajānāti, ‘suññamidaṃ saññāgataṃ ākāsānañcāyatanasaññāyā’ti pajānāti, ‘atthi cevidaṃ asuññataṃ yadidaṃ – viññāṇañcāyatanasaññaṃ paṭicca ekatta’nti. Iti yañhi kho tattha na hoti tena taṃ suññaṃ samanupassati, yaṃ pana tattha avasiṭṭhaṃ hoti taṃ ‘santamidaṃ atthī’ti pajānāti. Evampissa esā, ānanda, yathābhuccā avipallatthā parisuddhā suññatāvakkanti bhavati.
180PTS 3.107已对照

一八〇、“再者，阿难，比丘不作意空无边处想，不作意识无边处想，缘无所有处想而作意单一性。他的心趣入无所有处想，净信，安住，胜解。他这样了知：‘凡缘空无边处想而有的焦虑，于此都没有了；凡缘识无边处想而有的焦虑，于此都没有了；而有的唯有这焦虑之量，即：缘无所有处想而有的单一性。’他了知：‘这想之域于空无边处想是空的’；他了知：‘这想之域于识无边处想是空的’；[他了知：]‘而有的是这不空性，即：缘无所有处想而有的单一性。’如是，凡于其中所没有的，他便以此随观那为空；而凡于其中所剩余的，他了知那：‘这是现存的，是有的。’阿难，这样，他也就有了这如实的、不颠倒的、遍净的进入空性。

180. ‘‘Puna caparaṃ, ānanda, bhikkhu amanasikaritvā ākāsānañcāyatanasaññaṃ, amanasikaritvā viññāṇañcāyatanasaññaṃ, ākiñcaññāyatanasaññaṃ paṭicca manasi karoti ekattaṃ. Tassa ākiñcaññāyatanasaññāya cittaṃ pakkhandati pasīdati santiṭṭhati adhimuccati. So evaṃ pajānāti – ‘ye assu darathā ākāsānañcāyatanasaññaṃ paṭicca tedha na santi, ye assu darathā viññāṇañcāyatanasaññaṃ paṭicca tedha na santi, atthi cevāyaṃ darathamattā yadidaṃ – ākiñcaññāyatanasaññaṃ paṭicca ekatta’nti. So ‘suññamidaṃ saññāgataṃ ākāsānañcāyatanasaññāyā’ti pajānāti, ‘suññamidaṃ saññāgataṃ viññāṇañcāyatanasaññāyā’ti pajānāti, ‘atthi cevidaṃ asuññataṃ yadidaṃ – ākiñcaññāyatanasaññaṃ paṭicca ekatta’nti. Iti yañhi kho tattha na hoti tena taṃ suññaṃ samanupassati, yaṃ pana tattha avasiṭṭhaṃ hoti taṃ ‘santamidaṃ atthī’ti pajānāti. Evampissa esā, ānanda, yathābhuccā avipallatthā parisuddhā suññatāvakkanti bhavati.
181缅 3.150已对照

一八一、“再者，阿难，比丘不作意识无边处想，不作意无所有处想，缘非想非非想处想而作意单一性。他的心趣入非想非非想处想，净信，安住，胜解。他这样了知：‘凡缘识无边处想而有的焦虑，于此都没有了；凡缘无所有处想而有的焦虑，于此都没有了；而有的唯有这焦虑之量，即：缘非想非非想处想而有的单一性。’他了知：‘这想之域于识无边处想是空的’；他了知：‘这想之域于无所有处想是空的’；[他了知：]‘而有的是这不空性，即：缘非想非非想处想而有的单一性。’如是，凡于其中所没有的，他便以此随观那为空；而凡于其中所剩余的，他了知那：‘这是现存的，是有的。’阿难，这样，他也就有了这如实的、不颠倒的、遍净的进入空性。

181. ‘‘Puna caparaṃ, ānanda bhikkhu amanasikaritvā viññāṇañcāyatanasaññaṃ, amanasikaritvā ākiñcaññāyatanasaññaṃ, nevasaññānāsaññāyatanasaññaṃ paṭicca manasi karoti ekattaṃ. Tassa nevasaññānāsaññāyatanasaññāya cittaṃ pakkhandati pasīdati santiṭṭhati adhimuccati. So evaṃ pajānāti – ‘ye assu darathā viññāṇañcāyatanasaññaṃ paṭicca tedha na santi, ye assu darathā ākiñcaññāyatanasaññaṃ paṭicca tedha na santi, atthi cevāyaṃ darathamattā yadidaṃ – nevasaññānāsaññāyatanasaññaṃ paṭicca ekatta’nti. So ‘suññamidaṃ saññāgataṃ viññāṇañcāyatanasaññāyā’ti pajānāti, ‘suññamidaṃ saññāgataṃ ākiñcaññāyatanasaññāyā’ti pajānāti, ‘atthi cevidaṃ asuññataṃ yadidaṃ – nevasaññānāsaññāyatanasaññaṃ paṭicca ekatta’nti. Iti yañhi kho tattha na hoti tena taṃ suññaṃ samanupassati, yaṃ pana tattha avasiṭṭhaṃ hoti taṃ ‘santamidaṃ atthī’ti pajānāti. Evampissa esā, ānanda, yathābhuccā avipallatthā parisuddhā suññatāvakkanti bhavati.
182PTS 3.108已对照

一八二、“再者，阿难，比丘不作意无所有处想，不作意非想非非想处想，缘无相心定（animitta cetosamādhi）而作意单一性。他的心趣入无相心定，净信，安住，胜解。他这样了知：‘凡缘无所有处想而有的焦虑，于此都没有了；凡缘非想非非想处想而有的焦虑，于此都没有了；而有的唯有这焦虑之量，即：缘这具身体本身而有的、与六处相关的、以命为缘的[焦虑]。’他了知：‘这想之域于无所有处想是空的’；他了知：‘这想之域于非想非非想处想是空的’；[他了知：]‘而有的是这不空性，即：缘这具身体本身而有的、与六处相关的、以命为缘的[不空性]。’如是，凡于其中所没有的，他便以此随观那为空；而凡于其中所剩余的，他了知那：‘这是现存的，是有的。’阿难，这样，他也就有了这如实的、不颠倒的、遍净的进入空性。

182. ‘‘Puna caparaṃ, ānanda, bhikkhu amanasikaritvā ākiñcaññāyatanasaññaṃ, amanasikaritvā nevasaññānāsaññāyatanasaññaṃ, animittaṃ cetosamādhiṃ paṭicca manasi karoti ekattaṃ. Tassa animitte cetosamādhimhi cittaṃ pakkhandati pasīdati santiṭṭhati adhimuccati. So evaṃ pajānāti – ‘ye assu darathā ākiñcaññāyatanasaññaṃ paṭicca tedha na santi, ye assu darathā nevasaññānāsaññāyatanasaññaṃ paṭicca tedha na santi, atthi cevāyaṃ darathamattā yadidaṃ – imameva kāyaṃ paṭicca saḷāyatanikaṃ jīvitapaccayā’ti. So ‘suññamidaṃ saññāgataṃ ākiñcaññāyatanasaññāyā’ti pajānāti, ‘suññamidaṃ saññāgataṃ nevasaññānāsaññāyatanasaññāyā’ti pajānāti, ‘atthi cevidaṃ asuññataṃ yadidaṃ – imameva kāyaṃ paṭicca saḷāyatanikaṃ jīvitapaccayā’ti. Iti yañhi kho tattha na hoti tena taṃ suññaṃ samanupassati, yaṃ pana tattha avasiṭṭhaṃ hoti taṃ ‘santamidaṃ atthī’ti pajānāti. Evampissa esā, ānanda, yathābhuccā avipallatthā parisuddhā suññatāvakkanti bhavati.
183PTS 3.109缅 3.151已对照

一八三、“再者，阿难，比丘不作意无所有处想，不作意非想非非想处想，缘无相心定而作意单一性。他的心趣入无相心定，净信，安住，胜解。他这样了知：‘这无相心定也是被造作的、被思所策发的。’他了知：‘凡任何被造作的、被思所策发的，那是无常的、灭法。’当他如此知、如此见时，心从欲漏解脱，心从有漏解脱，心从无明漏解脱。于解脱时，有‘已解脱’之智。他了知：‘生已尽，梵行已立，应作已作，再无后有。’他这样了知：‘凡缘欲漏而有的焦虑，于此都没有了；凡缘有漏而有的焦虑，于此都没有了；凡缘无明漏而有的焦虑，于此都没有了；而有的唯有这焦虑之量，即：缘这具身体本身而有的、与六处相关的、以命为缘的[焦虑]。’他了知：‘这想之域于欲漏是空的’；他了知：‘这想之域于有漏是空的’；他了知：‘这想之域于无明漏是空的’；[他了知：]‘而有的是这不空性，即：缘这具身体本身而有的、与六处相关的、以命为缘的[不空性]。’如是，凡于其中所没有的，他便以此随观那为空；而凡于其中所剩余的，他了知那：‘这是现存的，是有的。’阿难，这样，他也就有了这如实的、不颠倒的、遍净的、最上、无上的进入空性。

183. ‘‘Puna caparaṃ, ānanda, bhikkhu amanasikaritvā ākiñcaññāyatanasaññaṃ, amanasikaritvā nevasaññānāsaññāyatanasaññaṃ, animittaṃ cetosamādhiṃ paṭicca manasi karoti ekattaṃ. Tassa animitte cetosamādhimhi cittaṃ pakkhandati pasīdati santiṭṭhati adhimuccati. So evaṃ pajānāti – ‘ayampi kho animitto cetosamādhi abhisaṅkhato abhisañcetayito’. ‘Yaṃ kho pana kiñci abhisaṅkhataṃ abhisañcetayitaṃ tadaniccaṃ nirodhadhamma’nti pajānāti. Tassa evaṃ jānato evaṃ passato kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. So evaṃ pajānāti – ‘ye assu darathā kāmāsavaṃ paṭicca tedha na santi, ye assu darathā bhavāsavaṃ paṭicca tedha na santi, ye assu darathā avijjāsavaṃ paṭicca tedha na santi, atthi cevāyaṃ darathamattā yadidaṃ – imameva kāyaṃ paṭicca saḷāyatanikaṃ jīvitapaccayā’ti. So ‘suññamidaṃ saññāgataṃ kāmāsavenā’ti pajānāti, ‘suññamidaṃ saññāgataṃ bhavāsavenā’ti pajānāti, ‘suññamidaṃ saññāgataṃ avijjāsavenā’ti pajānāti, ‘atthi cevidaṃ asuññataṃ yadidaṃ – imameva kāyaṃ paṭicca saḷāyatanikaṃ jīvitapaccayā’ti. Iti yañhi kho tattha na hoti tena taṃ suññaṃ samanupassati, yaṃ pana tattha avasiṭṭhaṃ hoti taṃ ‘santamidaṃ atthī’ti pajānāti. Evampissa esā, ānanda, yathābhuccā avipallatthā parisuddhā paramānuttarā suññatāvakkanti bhavati.
184已对照

一八四、“阿难，凡是过去世的任何沙门或婆罗门，曾成就并住于遍净、最上、无上的空性者，他们全都是成就并住于这同一遍净、最上、无上的空性。阿难，凡是未来世的任何沙门或婆罗门，将成就并住于遍净、最上、无上的空性者，他们全都将成就并住于这同一遍净、最上、无上的空性。阿难，凡是现在的任何沙门或婆罗门，成就并住于遍净、最上、无上的空性者，他们全都是成就并住于这同一遍净、最上、无上的空性。阿难，因此在此，‘我们将成就并住于遍净、最上、无上的空性’——阿难，你们应当这样学。”

世尊说了这[番话]。具寿阿难满意、欢喜世尊之所说。

184. ‘‘Yepi hi keci, ānanda, atītamaddhānaṃ samaṇā vā brāhmaṇā vā parisuddhaṃ paramānuttaraṃ suññataṃ upasampajja vihariṃsu, sabbe te imaṃyeva parisuddhaṃ paramānuttaraṃ suññataṃ upasampajja vihariṃsu. Yepi [ye (sī. pī.)] hi keci, ānanda, anāgatamaddhānaṃ samaṇā vā brāhmaṇā vā parisuddhaṃ paramānuttaraṃ suññataṃ upasampajja viharissanti, sabbe te imaṃyeva parisuddhaṃ paramānuttaraṃ suññataṃ upasampajja viharissanti. Yepi [ye (sī. pī.)] hi keci, ānanda, etarahi samaṇā vā brāhmaṇā vā parisuddhaṃ paramānuttaraṃ suññataṃ upasampajja viharanti, sabbe te imaṃyeva parisuddhaṃ paramānuttaraṃ suññataṃ upasampajja viharanti. Tasmātiha, ānanda, ‘parisuddhaṃ paramānuttaraṃ suññataṃ upasampajja viharissāmā’ti [viharissāmīti (pī. ka.)] – evañhi vo [te (ka.)], ānanda, sikkhitabba’’nti.
Idamavoca bhagavā. Attamano āyasmā ānando bhagavato bhāsitaṃ abhinandīti.
Cūḷasuññatasuttaṃ niṭṭhitaṃ paṭhamaṃ.
已对照

《小空经》终，[《空品》中之]第一[经]。

← MN120 行生经MN122 大空经 →